دوققوزونجو دوورون پرئزيدئنتي ماحمود احمدي نژاد يقين كي ييرتيجي و عدالتسيز بير حاكيمين سيمبولودور.اونون آذربايجان كيمي يوردا گلمه سي حقارت و شوونيستي حركات اؤزؤيله داشي يير.بو سفر يقين كي گلن دوور اؤچؤن تبليغات ايشله رينده ن بيريسيدير.اونون دئورينده خائينجه سينه غئيري فارس ميللتله ره اهانت اولونوب ميللي حاقلاري دانيلماقدادير.
يئنه احمد عميميز چوخ يئكه سؤزله ر دانيشيب
بيلميره م كي نه اوزايله آرايا لاپ قاريشيب
ميللت نييه ترپنميري بو دئوله ري ييخسين
بو ده ليله ر بوغازين منگنه ده بؤهتاني سيخسين
نكي جللاد عميميز هله بو پوخلاري تيخسين
قانوني اساسي ازيليب كؤفرايله قاريشيب
يئنه احمد عميميز چوخ يئكه سؤزله ر دانيشيب
اللي درصد اولوسون روزيگاري قاپ قارا تاردير
ايران زمينين حؤوصله سي واي-واي نييه داردير
داي ميللت اوتوروب صؤحبتي غمكئشله ره واردير
دؤنيالار بو وطنين ثروتي اؤسته ساواشيب
يئنه احمد عميميز چوخ يئكه سؤزله ر دانيشيب
ميللت نه گؤنه قالسادا قالسين ايشيميز يوخ
چون عالي مقاما چاتميشيق آنجاق ايچيميز توخ
قيرغين سالاريق ميللتله ر اگر دينسه سيلاح چوخ
مجليسده سولويوب مئيداني شئيطانلا ياريشيب
يئنه احمد عميميز چوخ يئكه سؤزله ر دانيشيب
گؤلشنده گؤلي سولدوروبان آفت سالاريق بيز
جهجه وورانيندا كؤرپه سين آغلار قوياريق بيز
ايسلام ندي كي قورآن ندي ديوان توتاريق بيز
آخي بو سؤزله ري يازماقلا ديليم لاپ دولاشيب
يئنه احمد عميميز چوخ يئكه سؤزله ر دانيشيب
ايندي،قودره تي موطلق اولالي قانوني جيررام
اينسانليق حوقوقوندان دئيه نين بوينوني ووررام
آللاه نچيدي بنده نچيدي حربينه دوررام
بيمار رواني دئيه سن كي سيمله ر قاريشيب
يئنه احمد عميميز چوخ يئكه سؤزله ر دانيشيب
هسته اي بومبا اليم چاتسا اگر قان ائله ره م
ايقتيصاد كؤكله ريني ميللته قوربان ائله ره م
گئجه لر نقشه چكيب اؤلكه ني ويران ائله ره م
بلي قارداش بئله مسند يئيه سي داي داديشيب
يئنه احمد عميميز چوخ يئكه سؤزله ر دانيشيب
تاجيره م ميلله تينن هر جؤره بازار ائده ره م
اؤز جيبيم كي دولودور مردومي آزار ائده ره م
ايرانين تاريخيني خيشلاييب گؤلزار ائده ره م
بوش بوشا ناظيريميز عرشي اعلايه چاتيشيب
يئنه احمد عميميز چوخ يئكه سؤزله ر دانيشيب
بلي دئوران بئله دير اعتيراضا يوخدو مرام
ايتتيحاد داي كسيليب ايندي ايتيب حاقلي كلام
گل سنه من سؤيلييه ليم سون سوزومي والسلام
دينمساق سن من اگر چوخ بئله دئوران سوووشوب
يئنه احمد عميميز چوخ يئكه سؤزله ر دانيشيب
گؤدمه كور اوغلو گليب ميصري قيلينجين چكه جك
يا كي ستار آييليب شاهزاده قانين تؤكه جك
يا قبيرده ن ديريليب سئييدي جعفر گله جك
ايندي يان-يان دؤزؤلؤب بيزله ره دؤشمن باتيشيب
يئنه احمد عميميز چوخ يئكه سؤزله ر دانيشيب
بلي قالخين اياقا ظؤلمتي يئرده ن قوپاراق
ال اله وئرماق ايلن قودره تي طوفان آپاراق
مؤنسه جيم بير يولونان ظاليمه ديوان توتاراق
قلبيميز بير بيرينه چؤنكي ازه لده ن ساريشيب
يئنه احمد عميميز چوخ يئكه سؤزله ر دانيشيب
يئنه كوراني حواديثده موباريز باغيرير
سؤزله ري بومبا كيمي جللادين انگين داغيدير
گؤجلؤ بير هيممه تيلن ميللتي جنگه چاغيرير
دولو قلب ايله دؤيؤش مئيدانينا او گيريشيب
يئنه احمد عميميز چوخ يئكه سؤزله ر دانيشيب 13/9/1387
تبريزده ن- موباريز
