شهيد شئيخ محممد خييابانيده ن بير نئچه سؤز:
الف:آزادليق و ايستيقلال اؤچؤن:
- ايستيقلال بير ميللتين شرفينين گره كيدير.
- ميللتله ر اؤز ايستيقلاللاريني يالنيز عالي داورانيش و خوش فضيلتله رله قوروياللار.
- قهرمانليق و قورخمامازليق هر ميللتين ايستيقلالينين قوروقچوسودور.
- آزاد اولماق ايسته سه نيز،گئرچه يي پرشتيش ائدين.
- گئرچكسيز حقيقت اله گلمه ز.
- هئچ بير ميللت آزادليقي دوشونمه ده ن اؤزونو قورويا بيلمه ز.
- شرفلي بير ياشاييشدان اوته ري گره ك جاندان و مالدان كئچه سن.
- ياشاسين آزادليق اؤچؤن آزادليقي سئوه ن ميللت.
- آزادليق برابرليگه باغليدير،قانون اؤنؤنده هامي بيردير.
10. بيزه هميشه ليك خطاكار اولماقا ايزين وئره ن هئچ بير آزادليقي تصوور ائتمك اولماز .
11.گولاب قوخوسو، يالانلاري سارسيدار.آزادليق عطري اؤلكه ده يالان ايستيبدادي،آرادان قالديرار.
12.دوشونجه آزادليقي هر سياستين زيروه سينده دير.
13.نه قدر آزادليق سئوه ر اولسانيزدا، سيزده ن اوستون اولانلار وار.
14.ميللتين روحو هئچ كيمه فدا اولماز.ميللتين قوللوقچولارينين روحو گره ك ميللته فدا اولسون.
15.تام آزادليق حاليندا گره ك،تابع اولاسان.
ب:اينكيشاف و اونجوللو ك:
16.اينكيشاف ائتمه يين بيرينجي وسيله سي اينكيشاف روحودور.
17.آييق،جانلي و فيكيرلي بير خالق هميشه اينكيشافا دوغرو گئتمه ليدير.
18.زامان ضيددينه گئتمك،يالنيشليق و اولونماز بير ايشدير.
19.بيز هر يئرده گئتمه لي اولساق،زامان يول گؤسته ر مه ليدير.
20.اگر خالقلاري زامان هيدايت ائدير،اونلار گئديرله ر،بيز اوز زامانيميزا قارقينا بيلمه ريك.
21.اؤنده گئتمه يي گره ك واجيب بيلك،اؤنجؤل اولماق اؤلمك دئمكدير.
22.اينكيشافا كؤنؤلسؤز اولان خالق،هلاك اولاجاقدير.
23.بيز،اولان قرينه نين ائولادي ييق،اؤز قرينه ميزه قارقينماريق.
24.زامان بير ائده آل اينكيشافين ايلك دوشمنيدير.
25.قانمازلار اولؤمؤ ده ييشيكليكده ن اؤستؤن بيله رله ر.
26.بو گؤنكؤ گؤزه ل و ياخشي ايش صاباح، پيس و نيفره تلي اولا بيله ر.
27.عوام اؤز عنعنه له ري ايلن كؤنؤللؤ اولا بيله للر.عادت اينكيشافين و اؤنجؤللؤيؤن مانعه سيدير.
28.عوامين عاقلي و دوشونجه سي گؤزؤنده دير.
29.سيزين بو گونكو بوركونوز،آتالارينيزين دوننكي بوركله ري قده ر دئييل.
30.او گؤج كي واقتيندا اود وآلوو كيمي پؤسكؤرور،گره ك بوندان سونرا ايش و حركت شكيلينده اوزه چيخيب و سيويليزاسيا تكه ر له ريني فيرلاتسين.
ج:ايجتيماعي فلسفه لر:
31.عوام اويدوروجودور.اونون موديرله ري صاديق و خوش نييتلي اولسالار ياخشي نتيجه آلماق اولار.
32.جامعه يه كؤنؤلسوز اولان كس حئيواندان اكسيكدير.
33.توپلومسال ياشاييشا كونولسوزلوق،ياشاييشين اولماماسيدير.
34. حيات ، سياسي و ايجتيماعي حياتا كونولسوزله ر ده ن، اوز چئويريب قاچاقدير.
35.اولوله ردير له ر او كسله ر كي شخصي اينتيقام آلماق اؤچؤن فيكيرله رينه ضيد اولان عقيده يه قوشولورلار.
36.ميللت حوقوقونا تجاووز ائده نه رحم ائتمك،ميللته خيانتدير.
37.ايكي فرقلي فيكير آراسيندا، آغلي ايشه ساليب دوزگون قرارا گلمه ليسن.
38.بير دوشونمه ز بير آندا،دوشونه بيلمه ز.(عاقيل اولا بيلمه ز)
39.قارانليقدا ياشايان آدام،ايشيق قارشيسيندا،زيلله نيب يا كور اولار.
40.اوز ايجتيماعي وظيفه سينه عمل ائتمه ين،اوز حاققيني آياقلايير.
41.موكافات و جزالانديرما گره ك عاقلي اه يمه سين.
42.دوشونجه سيز بويوك ايش بيتمه ز.
43.يالنميش و ضيدد فيكير لر لن نتيجه آلملق اولماز.
44.اينسانين علم و معريفت ايله زامانين ايستكله ري ده ييشيله ر.
45.عوامين عملله ري بير آنليق و ايراده سيزليق ده ندير.بير تيتره ييش كيمي عالمي قاتيب اوزوده آرادان گئده ر.
46.عوام ياتاندا كاميل ياتار.اوياناندادا الي ايش توتماز.
47.عوام ايراده سيز و ايختييارسيز اولار.هر جريانا باش اه ييب قوللوق ائده ر.
48.عوام خورافاتي سئوه ر.بير درويشين افسانه سي،اونا بير كونفيرانسيدان ياخشي ديللنديره ر.
49.بير ميللته ده يه ر و قيمت قويماقدا كيمليك ان اؤستؤن پيرابلئم دير.
50.كؤتله وي حركت،اؤنجؤل اينسانلاري منزيله چاتديراندير.
51.هر چوخلوق آدينا اوي وئرمك اولماز.
52.تاريخين هر بير دئوره سي كي بير ايجتيمادا اؤز وئرير،بير تاريخچي،بير شاهين الي ايله تعيين اولوب يازيلمير.
53.ايجتيماعي حاديثه له ر طبيعي عاميلله رين نتيجه سي و ميوه سيدير.
54.نه تاريخي آلداتماق اولار،نده زاماني اوز گئديشينده ن دايانديرماق اولار.
55.بيرليك و اينسيجام موففقييه تين شرطيدير.
56.آوروپانين بويوك سيياسي فيرقه له رينين ايقتيداري اوز ديسيپلين و اينتيظاملاريندان آسيليدير.
57.اينسان ياشاييشيندا او قده ر چاليشماليدير كي،ائله بيل اؤلميه جك.
58.بيز اؤز اولادلاريميزين فدايي سي ييق،بيز اؤله جه ييك تا اونلار ديري قالسينلار.
59.فداكارليق نتيجه سينده سيزين و ائولادلارينيزين گله جه يي الده ائديله ر.
60.قازانماق آساندير،ساخلاماق چتين.
61.اولان دورومدان يئني دوروما كئچمگه،گؤج و دوشونجه لازيمدير.
62.سيزين صداقت و محبتينيز كامالا يئتنده،هئچ بير گوج سيزه غلبه چالا بيلمه ز.
63. ديسكينتي اينسانلارين و ميللتين حياتيندا ،آييقليق،احتيياط و دوشونجه دير.
64.آغيللي و عصبسيز بير ديسكينتي ان گؤزه ل سيياسي اوستاددير كي گئتمه لي يوللاري و ائتمه لي ايشله ري خالقا گؤسته ره ر.
65.اوزاق گؤره ن و ديسكينن قوملار زحمت چكيب اينجي ييب و شيرين ميوه سيني ده ره للر.
66.طبيعت بير ياريش و ساواش مئيدانيدير.ياشاماق،غاليبين و مغلوبون موكافاتيدير.
67.بو بويوك ياريشدا،ضعيفله ر ياشايا بيلمه زله ر.
68.دونيادا قاليق و حيات الده ائتمك اؤچؤن،ضعيف ليكده ن اوزاقلاشماليسان.
69. ديسيپلينسيز بير تشكيلات،مووففقسيزليگه جوموب،داغيلماق يولونو گؤزله ر.
70. دوننكي خارابالار اوسته صاباحين بيناسين اوجالتمالي ييق.
71. صاباحين بيناسيني تيكمگه،اوزاق گؤره ن اوزاق دوشونن فيكير،يارديمجي و يئني دوشونجه لازيمدير.
د:داورانيش:
72. ايراده مووففقييه تين،تمل شرطيدير.
73.كاميل ايراده،مووففقييه تين بويوك شرطيدير.
74.نفس سئوه رليگين يانيندا گره ك بويوكلوك و ايراده نيده نظرده توتاسان.
75.ايشله ميينله ري و موفته خورلاري جامعه ده ن قوووب،سؤرگؤن سالماق گره ك.
76.ايسته مك تكجه كافي دئييل،هر ايستك گره ك عمله چئوريلسين.
77.بوتون ايشله رده وظيفه ني،غئير وظيفه ده ن آييرماليسان.
78.شوجاعت مووففقييتين تمل شرطيدير.
79.بيز آغيرليق و ديره نيش ايله قاريشيق اولان او شوجاعتي سئويريك.
80.تيكانلي تيكه اولون،تا هئچ بوغاز سيزي اودا بيلمه سين.
81.قورخمايان ميللته اؤلؤم يوخدور.
82.بويوك آماجين يولوندا اؤلمك،همن مووففقييت دير.
83.بيز او ده ليله ر و عاشيق له ريز كي،هئچ بير زاددان قورخموروق.
84.سن موتتحيد و توپلوم گؤرسن تا اوزگه لر سنده ن قورخسونلار.
85.قورخو،كيشيني كيشيليكده ن و مردانه ليكده ن ساليب اونو ان اكسيك حئيوانلارلا برابر ائده ر.
86.قورخو ميللتله رين اساره تينين بويوك عاميليدير.
87.قورخاق بير ميللت،تئزليكله ايستيبدادين الينده اسير دؤشه ر.
88.قورخماماق بس دئييل،جؤرعت و شوجاعت اولوب،اوره كلي اولماق گره ك.
89.قورخاق بير ميللتين بوينونا،بويوندوروق قويماق اؤچؤن،شؤعبده باز ظاليمله ر چوخ راحات تاپيلار.
90.آغيل و شوجاعته سيلاحلانان جورعت،اوزاق گؤره ن،اوزاق دؤشؤنن بير شوجاعت،و هاميدان اؤنجه فداكار و قيزقين بير شوجاعت،ميللتله رين خيلاصكاريدير.
91.ماددي شوجاعت،معنوي شوجاعت ايلن كاميلدير.
92.معنوي شوجاعت،كيشينين اوز ائحتيراملارينين شاهليقي و تسللؤطؤدؤر.
93.اؤز نفسينه،و نفسينين ايراده سينه تابع اولمايان،جسور و قورخمازدير.
94.معنوي شوجاعت،منطيقي موحاكيمه نين،آماجيدير.
95.اوره كلي كيشينين بودور تصميمي:گره ك قورخمايام،ايسته ميره م قورخام،قورخمورام.
96.اؤره كلي شخصين تصميمينين قاباغيندا هئچ قؤووه غاليب گله بيلمه ز.
97.آذربايجان باشيني اوجا توتوب،جانلي و هميشه ليك قال.
اؤزگؤر سئوينديك 25/8/1387
